༄༅། །དགེ་འདུན་ཆོས་འཕེལ་གྱིས་བཙོན་ནས་བླངས་པའི་མགུར། །
འདི་ན་སུ་དང་གང་གིས་མྱི་ཤེས་པའི།།
གཡུང་དྲུང་ལྷ་ཡི་རྨུ་ཐག་རིང་མོ་འདིས།།
མཐའ་མྱེད་ཆོས་དབྱིངས་རིག་པའི་དབྱིངས་སུ་བཏགས།།
རིག་པའི་བུ་ཆུང་ལུས་ཀྱི་ནང་དུ་བཏགས།།
ལུས་ཀྱི་ཐོ་ཡོར་ཟས་དང་སྐོམ་ལ་བཏགས།།
ཟས་དང་སྐོམ་ནི་ཕྱི་རོལ་རྐྱེན་ལ་བཏགས།།
དེ་ལྟར་ཐག་པ་གཅིག་ལ་གཅིག་མཐུད་པས།།
གཅོད་པའི་ས་མཚམས་གཞན་ནི་ཡོད་མ་ཡིན། །
ས་མཚམས་གཅིག་ནི་ཀུན་གྱིས་མི་འདོད་པ།།
ལུས་སེམས་འབྲེལ་ཐག་ཆོད་པའི་འཆི་བ་ཉིད།།
ས་མཚམས་གཅིག་ནི་ཀུན་གྱིས་མི་ཤེས་པ།།
ཐག་པ་རུལ་ནས་དབྱིངས་རིག་འདྲེས་པ་ཉིད།།
སེམས་འདི་མཐའ་དང་བྲལ་བའི་ལྷ་མོ་སྟེ།།
ལྷ་མོའི་ཕ་ཡུལ་འཇིག་རྟེན་འདི་མིན་མོད།།
སེམས་ཀྱི་ལྷ་མོའི་ཞབས་ཀྱི་མཐེ་ཆུང་གཅིག།
སྐུད་པས་ལུས་པོ་འདི་ལ་དམ་དུ་བཏགས།།
དེ་ནས་སྐུད་པ་འདི་ཉིད་ཆད་ཀྱི་བར།།
ལུས་ཀྱིས་གང་མྱོང་སེམས་ཀྱིས་མྱོང་བར་སྣང༌།།
མཐེ་ཆུང་འདི་ལ་ཕན་གནོད་གང་བྱས་པས།།
ལྷ་མོ་དེ་ལ་བདེ་སྡུག་མྱོང་བར་ཟད།།
ཐག་པ་འདི་དེ་ཆད་ན་ལེགས་མོད་ཀྱང༌།།
ཐག་པ་ཆད་པར་འཇིག་རྟེན་ཐམས་ཅད་སྐྲག།།
ཐག་པས་འབྲེལ་བའི་ཐབས་ལ་འབད་པ་ན།།
ཐག་པའི་སྣེ་ཀུན་ཚེར་མས་དཀྲིས་པར་མཐོང༌།།
ཚེར་མའི་རྩེ་མོ་རེ་རེ་འགོག་སླད་དུ།།
ཤེས་རིག་ལས་ཀྱི་རྣམ་གྲངས་རེ་རེ་བསླབ།།
དེས་ན་ཚེར་མ་འགོག་པའི་ཁྲལ་ལས་འདི།།
མ་ཤིའི་བར་དུ་བྲེལ་བས་བྱེད་པར་ཟད།།
ཚར་མེད་སྤང་དུ་མེད་པའི་བྲེལ་བ་འདི།།
ཀུན་ཀྱི་སྐྱེ་བ་བླངས་པའི་དོན་སྒོར་སྣང༌།།
མཁའ་དང་མཉམ་པའི་སེམས་ཀྱི་ཆ་ཤས་གཅིག།
ཤ་ཁྲག་ལས་ཀྱི་འདམ་དུ་ཚུད་པ་ན།།
ཚ་གྲང་བཀྲེས་སྐོམ་རེ་དོགས་འཇིགས་སྐྲག་གི།
སྡུག་བསྔལ་འདི་ལ་ཟད་མཐའ་མྱེད་པ་སྙམ།།
འོན་ཀྱང་འབད་པ་བརྒྱ་ཡིས་བསྒྲུབས་བསྒྲུབས་པའི།།
ཤེས་རིག་དཔལ་གྱིས་བསྐྲུན་པའི་ལུས་པོ་འདི།།
ཆོས་ཉིད་གནམ་གྱི་རྒྱལ་མོའི་བཀའ་ལུང་བཞིན།།
ས་སྟེང་འདི་རུ་ལོ་ཤས་སྡོད་པར་ཟད།།
མགུར་འདི་སྐད་ཅེས་བླངས་སོ།།
根敦群培在牢狱中吟唱的道歌
这里牢系着无人知晓，
永恒神明悠长的天绳，
无边法界系性空智慧，
系于聪慧晚辈之内心。
躯体存活系食物和水，
食物和水系物质世界，
如此系绳一根连一根，
绳索断裂之处不在他。
唯有一处世人都恼怒，
那是身魂分离之死亡，
另外一处无人能知晓，
绳索腐坏虚空智慧连，
是那不可思议之仙女。
仙女不是来自此世界，
心中仙女之一根脚趾，
用细绳牢牢系在身上，
直到这根细绳断开时。
身体所感心亦能同感，
对脚趾作何刺痛轻揉，
仙女感受同样的苦乐，
系绳若能断开就好了，
但是一切存在会惊恐，
若专勤如何牢系细绳，
却看到细绳镶着尖刺，
为了抵御一根根尖刺，
各类因缘知识用功学，
抵御尖刺这一苦差事，
直至断气还忙碌专攻，
此事无尽却无法丢开，
一切投胎转世皆于此，
与天同阔心之一部分，
若陷血肉因缘泥土中，
冷暖饥渴期待恐惧等，
此类痛苦没有终结时，
然而加倍勤奋所作出，
焕发慧智光芒之躯体，
依照天尊王母之圣令，
想在大地之上呆几年。
将此道歌高声地吟唱！
刚尖翁琼 译于佛堂
2017年1月17日
更敦群培（1903—1951），藏族，安多人。20 世纪藏族史上的佛门奇僧、学术大师、启蒙思想家，是西藏人文主义先驱和藏传佛教世俗化的先驱，是朴素的唯物主义者和爱国主义者。
刚尖翁琼，男，藏族，原名当增扎西， 1989年6月生于甘南迭部，毕业于西南民族大学藏语言文学专业。本着一颗赤诚的心，用笔杆叙写所见所闻，兼做翻译。
